بنغازی یاخود (بنی الغازی) — دولت علیه+نك افریقا قطعە+سنده بو نامله معروف بر ولایت مركزیدر و قضالری (درنه) و (مربج) و (اوچله وچالو)در.
بو شهر اوروپالیلرك (سیره نائیق) دیدكلری كورفزك دروننده و ساحل بحرده و طرابلس غربك جهت شرقیسنده و ایكی یوز قرق ساعت بعدندە+در. بوراده مقدما پك چوق دفعه و اك صكره (١٨٥٨ م و ١٢٧٥ ه) تاریخنده بیوك وبا علتی ظهور ایلدیكندن اهالیسی كركی كبی تدنی ایتدی و ایچرولری حالا بدوبتدن قورتاریله+مدی. مع+مافیه طرابلس غرب اسكله+سندن و سائر ممالكدن سفاین تجاریه كلوب كتمكده وخیلیجه اخذ و اعطا اولمقده+در. بنغازینك اسكی اسمی (بنه ریس) ایدی