بند — صولری بر محلده بركدیرمك یاخود میاه جاریه+یی سیر سفاینه الویرە+جك درجه+ده یوكسلتمك ویاخود صویی قوۀ محركه مقامنده استعمال ضمننده سرعتلندیرمك ایچون اوكلرینه یاپیلان دیوار و سدلرك اسمیدر بونلر طاشقین و صواقلی ناملریله ایكی+یه منقسم اولورلر. اوروپالیلر بونی دخی فن مخصوص حكمنه قویوب (فن میاه) نامیله كتابلر تألیف ایتمشلردر.
استانبولك صو بندلری یدی عدددر و بونلرك اوچندن غلطه و بك اوغلی و طوپخانه و ترسانۀ عامره و بوغاز ایچنك روم ایلی جهتلرینه و سرای همایونلره و دردندن درسعادت و ایوبه صوكلور.
ذكر اولنان یدی بند شونلردر.
بند اسامیسی سمتی
عدد — —
١ طپوزلی بغچه كویی سلطان محمود اول حضرتلرینك
١ بند جدید بغچه كویی سلطان محمود ثانی حضرتلرینك
١ والده بندی بغچه كویی مهرشاه والده سلطان حضرتلرینك
١ بند كبیر بلغراد كوی سلطان احمد ثالث حضرتلرینك
١ كرازلی بلغراد كویی سلطان محمود ثانی حضرتلرینك
١ طپوز بند كبیر جواری سلطان عثمان حضرتلرینك
١ ایواد ایواد سلطان مصطفی لاله+لی حضرتلرینك