پنارس — هندستانده بنكاله ولایتی داخلنده و قالكوته+نك التی یوز قرق كیلو مترو غرب شمالیسنده و غانج نهری اوزرنده بشیوز بیك نفوسی جامع بر شهر شهیر و بو نامده اولان ولایتك مركزیدر. هندلیلر بو شهری غایت مقدس طوتارلر و دائما كلور زیارت ایدرلر. شهرك ایچنده براهمیلرك بر بیوك مكتبی و اسكی زماندن قلمه بر رصد خانه واردر مكتب مزبورك مصارف واقعه+سی و معلملرك اجوراتی انكلیزلر طرفندن ق تأدیه اولنمقده+در (اورنك زیب خان) زماننده یاپلمش اولان بر جامع شریفك جسامت و متانت و صنعتی حیرت افزای عقولدر و (غانج) نهری بونجه یاپلمش اولان یالیلری و اسكله و جارشولری غایت یاقیشقلی و الماس و شال و منسوجات حریریه اخذ و اعطاسی بغایت رونقلیدر.
پنارس ولایتی وقتیله مستقل ایكن صكره حمایه+یه كیروب (١٧٧٥ م و ١١٨٩ ه) تاریخنده انكلیزلر طرفندن ضبط اولندی