پلیسیه امابل — فرانسه دولتی مارشاللرندندر. بو ذات ابتدا طوپجی قائمقاملغی رتبه+سیله مكتبدن چیقوب قرال اركان حرب هیئتنه قبول اولندی و اسپانیا و موره و جزایرده ابراز شجاعت ایلدیكندن (١٨٥٥ م و ١٢٧٢ ه) تاریخنده دولت علیه+یه معاونت ایتمك اوزره فرانسه عسكریله درسعادته كوندریلوب بورادن دخی (سیواستپول) اوزرینه كتدی و عموم فرانسه شرق اردوسی قوماندانی اولدیغی حالده سیواستپول شهرینی تسخیر ایلدی و بو خدمتنه مکافاة (دوق مالاقوف) عنواننی آلدی و اوچ سنه صكره انكلتره ایلچیسی تعیین اولنوب (١٨٦٤ م و ١٢٨١ ه) تاریخنده وفات ایلدی.