لغات تاریخیه و جغرافیه

Lugat-ı Tarihiyye ve Coğrafiyye

بله زیس / بعل زار فول

بله زیس یاخود (بعل زار فول) — برنجی آثور دولتی طرفندن بابل والیسی یاخود بابلده كلدان باش پاپاسی ایدی. دولت مشارالیها طرفندن نائل اولدیغی رتبه و اعتباره قناعت ایتمیوب صدر ابلق وجهله (مدیا) والیسی بولنان (ارپاكسس) ایله (٤٧٠٦ خ) تاریخنده یعنی میلادك یدی یوز سكسان سكز سنه مقدمنده اتفاق ایدرك متبوعی اولان بشنجی (سارداناپال) ك اوزرینه هجوم و پاو تختی اولان نینوه جوارنده اردوسنی پریشان ایتدی و بیچاره (سارداناپال) بو خائنلرك یدنده تلف اولمامق ایچون فاملیاسیله برابر كندوسنی اتشده یاقدی و (بله زیس) شرق و جنوب جهتلرنده ایكنجی آثور یاخود بابلیون دولتنی تشكیل و (ارپاكسس) ذاتاً والیسی بولندیغی (مدیا) ولایتنده استقلالنی اعلان ایتدی و سارداناپالك اوغلی (فول) دخی كندوسنه بر اغیلان (سوس) ولایتنه قناعت ایلدی. بله زیس اون طقوز سنه صكره نینوه ایله بابلك اداره+لرینی تفریق ایدرك بابلك اداره+سنی اوغلی ) (تغلتفالاصر)ه ویروب دیكر اوغلی (نابو ناصر)ی نینوه+ده كندو یاننده وزیر اعظم و ولی عهد كبی آلیقویمشدر. اشبو نابو ناصر (٤٨٤٦ خ) تاریخنده یعنی میلادك یدی یوز قرق سكز سنه مقدمنده پدرینك وفاتیله تخته چیقدیغی كبی او كونی مبدأ تاریخ اعتبار ایتدی. بو تاریخ حالا (بخت نصر) تاریخی دیو یاد اولنتمده+در.