لغات تاریخیه و جغرافیه

Lugat-ı Tarihiyye ve Coğrafiyye

پله+تیه

پله+تیه — كیمیاكراندندر. فن هیئت و معدنیاتده مهارت كامله+سی وار ایدی مرقوم (مولدالحموضه) و (آمونیاق) یعنی نشادر روحی كبی غازلر و (قالیه طوزی) و (سترونجیان) كبی معدنیات حقنده تدقیقات اجرا و مطالعات بیان ایدرك استحصال و استعمالنی تسهیل ایتدی و كتابلر یازدی و (١٧٩٧ م و ١٢١٢ ه) تاریخنده وفات ایتدكدن صكره اوغلی (ژوزف پله+تیه) دخی فن كیمیاكریده ابراز مهارت ایدرك معلم و دائرۀ معارفده اعضا اولدی و (كبریتت كنین) یعنی (صولفاتو) استخراجنی كشف ایلدیكندن اون بیك فرانق مكافات الدی. (استركنین) دخی بونكله (قاوانتو)نك كشفیاتندندر. (استركنین) قارغه بوكن جوهری دیمك اولوب سونمامش كرچ و حامض كبریت و آمونیاق ایله استخراج اولنور.