لغات تاریخیه و جغرافیه

Lugat-ı Tarihiyye ve Coğrafiyye

بلوس

) بلوس — برنجی آثور دولتنی تجدید و جداً اساسنی وضع و تمهید ایدن ذانك اسمیدر. بو ذات (٤٢٩٤ خ) تاریخنده یعنی میلادك تخمیناً بیك اوچیوز سنه مقدمنده تخته جلوس و بعض تنظیمات اجرا و احوال ممالكی اصلاح ایدرك یكرمی بش سنه سلطنت سوروب وفات ایلدكده اوغلی مشهور (نینوس) پادشاه اولدی و پای تختنی تنظیم و توسیع ایدرك كندو نامنه نسبتله (نینوه) تسمیه ایلدی. (نینوه) كلمه+سنه نظر بیوریله. بعضیلر اشبو بلوسی تورانیلری آثوریادن طرد ایدن سامیلرك حكمداری ظن ایدوب (٣٦٢٨ خ) تاریخنده كلدی ایدی دیرلر و بعضیلری دخی (٤٠٩٤ خ) تاریخنده آثوریاده بو نامده دیكر بر حكمدار اولدیغنی تخمین ) ایدرلر.