پلوتون— اسكی پت پرستلرك آله اعتقاد ایتدكلری اون ایكی
اشخاص موهومە+نك مادوننده اولە+رق جهنم آلهی اعتقاد اولنان شخص خیالیدر.
بو شخص مذكور اون ایكیلرك بیوکی اولان ژوبیترك و دكز آلهی دیدكلری (نبتون)ك قرنداشی اولوب كویا بونلر بینلرنده دنیانك ادارە+سنی تقسیم ایلمشلر ایدی. مرقوم ( پلوتون) باشنده بر تیمور کلاه اولدیغی حالده وقتیله (ایدا) صحراسنده طوتوب ازدواج ایتدیكی قزك قارشوسنده ابانوسدن معمول بر تخت اوزرنده اوتورر صورتده و بعضاً سیاه اسب قوشولمش بر عربه اوزرنده تصویر اولنور و یونانستانده و ایتالیاده اولان معبدلرده و باخصوص سیراقوزده كویا مذكور قزی قاپدیغی محلده+كی معبده بعض كیحه+لر سیاه بوغا بوغازلنوب قانی شراب ایله قارشدیریلە+رق چقورلره دوكیلور و بو عمله (تور) دنیلور ایدی. سروی و شمثاد اغاجلرینی و نركس و بالدیری قره چیچكلرینی بوكا نسبت ایدرلر.