پلوپونیس یاخود (پلوپونیسوس) — موره شبه جزیره+سنك نام عتیقیدر و بو جزیره+نك جهت شمالیسنده (قورینتوس) ایله (آخایا) و جهت شرقیسنده (آپالید) و جهت جنوبیسنده (لاقونیا) و (مسه+نیا) و جهت غربیسنده (ایلید) و وسطنده (ارقادیا) سنجاقلری واردر و نفوس موجوده+سی التی یوز بیك رادە+سنده+در لكن اشبو صوك تقسیمدن اول جزیرۀ مذكوره پك چوق قالبه كیردی و اسكی زمانده بوراده (اسپارت) و (سیسون) و (آرغوس) و (اخایا) حكومتلری سلطنت سوردی و بربرلریله غوغالر ایدرك بو یوزدن ملیونلرله قانلر دوكلدی هله اسپارت جمهوریله (تب) جهورینك (٥٢٣٢ خ) تاریخنده یعنی میلادك اوچیوز التمش ایكی سنه مقدمنده نهایت بولان و رومالولرك نفوذینی كسر ایچون آچیلوب (١٤٦ م) تاریخنده موره+نك رومالولره انتقالیله فیصلپذیر اولان محاربات شدیده نیجه یوز بیك فقیرك اوجاغنه انجیر دیكدی. (١٢٠٤ م و ٦٠١ ه) تاریخنده درسعادته كلوب استانبول ایمپراطورلغی حقنده ظهور ایدن اختلافی وسیله اتخاذ ایدرك یرلشمش و برلاتین حكومتی تشكیل ایتمش اولان فرانسز صلیبیلری كرید و قبریس و سلانیك كبی موره شبه جزیره+سنی دخی غصب ایدوب (طوت) معناسنه اولان (موره) نامنی ویردیلر. موره بونلرك دفعندن صكره وندیكلولره و برقاج دفعه دولت عثمانیه+یه كچوب نهایت موره فترتی عقیبنده یونان دولتنه انتقال ایلدی.