بلقیس — حمیری — یاخود (بلقمة) بن هداد — بو خاتون یمن ملكه+سی اولدیغی حالده هدهدك حضرت سلیمانه اخباری و مشارالیهك دخی ینه هدهدله نامه كوندروب دعوت ایتمسی اوزرینه (٤٦٠٢ خ) تاریخنده یعنی میلادك طقوز یوز طقسان ایکی سنه مقدمنده ابتدا برچوق هدیە+لرله منذرابن عمروی كوندروب و متعاقباً كندوسی دخی كمال دبدبه
و دارات ایله كلوب باركاه جناب سلیمانی+یه یوز سوردی. و بر مدت مسافر اولوب حمایۀ جناب سلیمانی+یی قبول ایتدی. بلقیسك یمنده پایتختی اولان (سباء) یاخود (مأرب) شهرینك ارقه+سنه یاپدیرمش اولدیغی جسیم صو بندی شهر مزبورك كركی كبی معموریتنه سبب اولمش ایدی لكن بعد زمان اهالیسنك طغیاننه مبنی ) كوستبك) دنیلان حیوانجقلرك ثقب و تخریبیله ییقیلوب صو شهری باصمغله اهالی كاملاً غرق اولمش و اشبو بلیۀ عظیمه الی یومنا هذا (سیل عرم) نامیله یاد اولنمقده بولنمشدر.
حضرت سلیمان علیه+السلامك ارتحالندن برقاچ عصر صكره (تدمر) شهرنده بولنان بر لوح اوزرنده اتی الذكر كلمات محكوك ایدی دیرلر. بوندن نبیء مشار+الیهك بلقیسی اولوقت تزوج بیورمش اولدقلری اكلاشیلور. (هذا مدفن بلقیس الصالحة زوجة سلیمان بن داود علیه السلام اسلمت لیلة عشرین خلت ملكه و دفنت لیلاً تحت حایط بمدینة تدمر لم یطلع علی دفنها انس ولاجن الامن دفنها) بر روایتده مومی+الیهانك والده+سی طائفۀ جندن ایدی.