بلغراد — صرپجه آق قلعه دیمكدر و صرپیه+نك مركز اداره+سیدر و طونه نهریله صاوه نهرینك التقا ایلدیكی محلده بولندیغندن موقعی غایت مهم و قلعه و استحكاماتی فوق+الغایه مشهوردر. بوراسی سلطان سلیمان اول زماننده فتح اولندقدن صكره خیلی زمان روم ایلی والیلرینك مقر ادارە+سی و چوق دفعه مجارستان و پولونیا ایله محاربه ایدن اردوی همایونلرك مشتاسی اولدی و (١٦٨٨ م و ١٠٩٩ ه) تاریخنده یكن عثمان پاشانك خیانتیله اوستریالولر آلوب اوچ سنه صكره كوپریلی زاده صدر اعظم مصطفی پاشانك همتیله ینه استرداد اولندی و (١٧١٦ م و ١١٢٩ ه) تاریخنده صدر اعظم خلیل پاشانك سوء تدییری و اردوی همایونك و تاتار عسكرینك عدم مبالاتی سببله ینه اوستریالولر طرفندن آلنوب یكرمی اوچ سنه صكره روسیه و اوستریا دولتلریله اثنای مصالحه+ده دولت علیەیه كچدی و صرپلولر اغفالات اجنبیه ایله اوته+دنبرو راحت طورمدقلری كبی بلغراد قلعه+سنك كندولرنده بولنمسنی آرزو ایدرك بو آرزویی
حاصل ایتمك ایچون پك چوق قیل و قال احداث و دولت علیە+یی بیحضور ایلدكلرندن و قلعۀ مذكور دروننده بولنان اهالیء اسلامیه ایله درت بش طابور عسكر شاهانه دائما راحتسز بر حالده بولندقلرندن (١٨٦٢ م و ١٢٧٩ ه) تاریخنده ینه صرپلولر طرفندن اسلام علیهنه ظهور ایدن اختلال اوزرینه اوروپا دولتلرینك اخطاریله اهالی و عساكر شاهانه چیقاریلوب صقول و سمندره و اسكیحه كبی التی قطمه قلعه ایله برابر صرپلولره ویرلدی. بلغرادك دولت علیه زماننده قاچ دفعه استیلا كوردیكی سنۀ میلادی
١٥٢٠ سلطان سلیان اول ضبط ایلدی
١٦٨٨ باویرا دوقه+سی اوسترالولر ایچون دولت علییه+دن آلدی
١٦٩٠ كوپریلی زاده مصطفی پاشا یدیله ضبط اولندی
١٧١٦ اوسترالولر استیلا ایلدی
١٧٣٩ حسب المعاهده دولت علییه ترك اولندی
١٧٨٩ اوسترالولر آلوب ایكی سنه سكره ینه ترك ایلدی
١٨٠٦ صرب عصاتی ضبط ایلدی
١٨١٣ دولت علییه ینه قورتاردی
١٨٦٢ صرپلولره ترك و تخلیه اولندی