بلغار — بونلرك اصلی سیقت طائفه+سندن و آسیاده و (وولغا) نهرینك سواحل غربیە+سنده مسكون (قانقلی) قبیله+سی منسوباتندن ایسه ده صكره+لری (قینوا)لردن ایچلرینه پك چوق جنس قاریشوب ملز اولمشلردر بلغارلر آسیادن طرد و تبعید اولنه+رق (٤٧٥ م) تاریخنده قره دكز و بحر ازاق سواحلنه و بش اون سنه صكره دینه+پر و دنیستر و طونه نهرلری سواحلنه یاییلوب نهب و غاراته باشلادیلر و (٥٥٩ م) تاریخنده آج چكركه كبی قامشدن معمول قایقلریله استانبوله قدر كلوب تهدیداته قالقشدیلر ایسه ده آره+دن چوق چمكسزین شرق ایمپراطورلرینه انقیاده مجبور اولدیلر و (٦٧٩ م و ٦٠ ه) تاریخنده تشكیل ایتدكلری حكومتی پروت نهری
اوزرنده اوچ عصر قدر محافظه ایتدیلر و (٩٧١ م و ٣٦١ ه) تاریخنده استانبولك استیلاسنی قورە+رق اوچیوز بیك عسكر ایله طونه+نك برو طرفنه کچوب ادرنه+یه قدر كلدیلر ایسه ده استانبول ایمپراطورینك سلستره+ده وقوعبولان غلبه+سی اوزرینه افكار مذكوره+دن واز كچدیلر و طقوز سنه صكره روم ایلندده بریکی حكومت تشكیل و صربیه+یی بو حكومته الحاق ایلدیلر و اوتوزیدی سنه مرورنده استانبول ایمپراطوری واسیل مرقوملری و حكومتلرینی تارمار ایدوب اسیر ایتدیکی اون بشبیك نفرك كوزلرینی چیفارە+رق و هر یوز نفرینی بر كوزلی+یه یددیره+رك طونه+نك اوته یقه+سنه كوندردی. بلغارلر (١١٨٦ م و ٥٨٢ ه) تاریخنده دخی افلاق جوارنده بر كوچك حكومت تشكیل ایتمشلر و افلاق و بلغار كلمه+لرینی جامع اولمق اوزره (ولاق قومان) نامنی ویرمشلر ایسه ده ایكیوز اون سنه صكره بونلر دخی یلدیرمك صاعقۀ صولت جهانسوزانه+سی اثریله زیر وزبر اولمشلردر. بلغارلر برو طرفلرده ابتدا طانندیغی زمان اسملری (قوتراژی) ایدی