بلخ — اسیاده تركستان جنوبی ممالكندن بر اسكی و مشهور مملكتدر. بوراسی ملوك پیشدادیانك برنجیسی اولان (كیومرث) طرفندن روی ارضده اك اول بنا اولنان شهردر دیو روایت ایدرلر بلخ وقتیله پك معمور و بعض تركستان پادشاهلرینك مقر اداره+سی ایدی صكره (٥٢٦٥ خ) تاریخنده یعنی میلادك اوچیوز یكرمی طقوز سنه مقدمنده اسكندر رومی استیلا ایدوب بر ایكی سنه قالدی و شاهک قزینی تزوج ایتدی و مؤخراً بلخ و سمرقند و خوقند ولایاتی سلوسید و افغانیلره و ینه ایرانیلره کچوب (٧٢٥ م و ١٠٧ ه) تاریخنده خراسان والیسی (اسد القسری) معرفتیله فتح و ممالك اسلامیە+یه ضم اولندی و تدریجاً كسب معموریت ایدرك برمدت (ام البلاد) نامیله یاد ایدلدیسه ده (جنكیر خان) و تیمورلنك زمانلرنده و دها صكرە+لرده ینه برچوق صدماته اوغرادیغندن خراب اولوب نفوسی الیوم اوتوز بیكه تنزل ایلدی. نام قدیمی (زار یاسپا) اولوب شمدی اوروپالیلر (باقر) یاخود (باقتریان) دیمكده+درلر. معهود تیمورلنك ابتدای حالنده قائن پدری شاه (امیر حسین) طرفندن بلخ والیسی ایدی صكره مومی+الیهی حرباً اخذ و قتل ایدرك تختنه اوتوروب اطرافه صارقندیلغه و كیدرك توسیع دائرۀ خساره باشلادی