بلچیقا — بلچیقالیلرك اصلی جرماندر روما دولتی بونلری تحت اطاعتده طوتمق ایچون چوق دفعه محاربه ایتمش و بالعكس ایمپراطور قلودین غوللره بونلرك سایه+سنده غلبه ایلمش ایدی بلچیقالیلرك خرستیانلغی قبولی میلادك یدنجی و سكرنجی عصرلرنده+در. بلچیقا نواحیسی برچوق انقلابدن صكره (١٨٠١ م و ١٢١٦ ه) تاریخنده فرانسه ادارە+سنه كچوب ناپلیونك سقوطی عقیبنده اسكی فلمنک قطعه+سیله برابر خصوصی بر قراللق اولدی و (١٨٣٠ م و ١٢٤٦ ه) تاریخده پرونستانلره قارشو قتولك پاپاسلرینك تشویقیله ظهور ایدن اختلالك اوكنی المق ایچون فرانسه و المانیا و انكلتره دولتلری مداخله ایتدیلرسە ده تأثیری اولمیوب فرانسزلرك سایه+سنده بلچیقا فلمنكدن آیرلدی و مستقل بر قراللق اولدی بو قراللق جنوباً و غرباً
شمال دكزی و شمالاً فلمنك و پروسیا ممالكیله محدوددر. بلچیقانك اراضیسی دائماحضرت و لطافت اوزره اولوب هر درلو محصول یتشدیرمكه مستعددر عموماً اهالیسی بش ملیون درتیوز بیك نفوس تخمین اولنمقدە+در و حكومتی حكومت مشروطه و اهالیسنك اكثریسی قتولكدر. قوت و اقتداری ایچون (حكومت) كلمه+سنه نظر بیوریله .
غالیچیاده قیا طوزی معدنیله مشهور اولان بر شهرك اسمی دخی (بلچیقا)در