لغات تاریخیه و جغرافیه

Lugat-ı Tarihiyye ve Coğrafiyye

بلبان بك

بلبان بك — نامداران امرای عثمانیه+دندر و پك چوق حروب و مغازیده فرقه قوماندانلغی ایتمش و صوفیه و حوالیسنی ضرب دستیله فتح ایلمش بر ذات بسالتسماتدر. روم ایلی بكلر بكیسی لالا شاهین پاشا صوفیه و حوالیسنه بالدفعلت هجوم ایتدیکی حالده فتح و ضبطنه موفق اوله+مامشیدی فرقە+سیله صوفیه حدودی محافظە+سنده بولنان مشار+الیه (اینجه بلبان) بك (الحرب خدعه) طریقه+سنه سلوك ایدرك (١٣٨٦ م و ٧٨٨ ه) تاریخنده معیتی افرادندن مهتدی (اوزونجه سوندك) نام شخصی صوفیه+یه قاچیرر و مرقوم سوندك ایسه كوزل طوغان قوللانمق بیلدیكندن بر تقریب صوفیه حاکمی یانوقه چاتوب طوغانجی باشیلق مأموریتنی یقالار و بركون یانوقله برلكده آوه چیقدیغنده مرقومی عثمانلی حدودینه قدر كتوروب و اکمک ویمك تداركی بهانه+سیله دلی بلبان و احمد غازی نام دلاورلره خبر ویروب طوتدیرر و دلاوران مومی+الیهما یانوقی مقیداً (بلان بكك) حضورینه كتوردكلرنده بلبان بك همان فرقە+سنی مستصحباً صوفیه اوزرینه واروب و (یانوقی) مقید اولدیغی حالده قلعه محافظلرینه كوستروب عنوةً فتح ایدر. مرقوم یانوقی مؤخراً حضور همایونه كوندرمكله كندوسنه صوفیه بكلكی و دلاوران مومی الیهمه دیرلكلر احسان اولنمشدر.