بل — یاخود (بلوس) وقتیله بابل شهر مشهورینك حامیسی طاننمش و بابلیلرجه آله اعتقاد اولنمش بر شخص موهومك اسمدر. بابل حكمداری (بخت نصر) مدیا حكمدارینك قزی اولان زوجه+سنك تنزهنه مخصوص اولمق اوزره بر طاقم طاش دیركلر و كمرلر اوزرینه و بابل قلعه+سنك ارتفاعی برابرینه یاپدیرمش اولدیغی سد سد بغچه+نك قربنه و دها اولدن نمرود برجی دنیلان برجك اساسی اوستنه بشر یوز قدم طول و عرضنده مربع الشكل قاعده و بشیوز قدم قدایله خارجدن طولامباج نردبان ایله چیقیلور سكز طبقه+لی بر برج انشا ایتدیروب تا تپه+سنه مذكور (بل) ویاخود (بلوس) نامنه اولارق بر معبد قوندرمشدركه برج مزیورك ذكر اولنان قاعده وقدینه نظراً مصرك اك بیوك اهرامندن داها بیوك اولدیغی اكلاشیلور.