پکین یاخود بكینغ — چین دولتنك پای+تختی اولان شهر شهیردر بو شهرك بر قسمی نهر اصفرك ساحل یمینی اوزرنده مربع شكلنده و دیكر قسمی ساحل یساری اوزرنده و مستطیل شكلنده اولمق اوزره مبنی اولوب اطرافی درت ساعت دورنده متین و عالی حصار ایله محفوظدر (نانكین) و (قانطون) شهرلری بلاد مشهوره+سندندر پكینك صوقاقلری قرق مترودن التمش مترویه قدر كنیش و مدیددر و سرای خاقانی جوارنده سیاه یشیم طاشدن اژدرها شكلنده یاپلمش اولان كوپری حیرت افزای عقولدر. پكین(٤٣٩٤ خ) تاریخنده یعنی میلادك بیك ایكیوز سنه مقدمنده (چه ئو) سلاله+سی حكمدارانندن بری معرفتیله تأسیس اولنوب پك چوق صدماته اوغرادی و (١٢١٤ م و ٦١١ ه) تاریخنده جنكیر خان چین دولتی حمایه+سنده اولان (قره خطای) طائفه+سنك التجا و معاونتیله كیدوب ضبط و سرای خاقانی+یی احراق ایتمكله خاقان كدرندن كندوسنی آتشه آتدی و (١٦٤١ م و ١٠٥١ ه) تاریخنده چینلولرك بر طواشی سرعسكرك اخانتیله (مانچو) تاتارلرینه مغلوب اولدیغی و اختلال كسب جسامت ایدرك خطۀ
چینیە+نك قسم اعظمی حكومات متعددۀ اختلالیه یدینه كچدیكی صرە+ده پكین دخی بر مدت محاصره ایله (مانچو) تاتارلری یدینه کچدی و رئیسلری اولان (لیچونغ تینغ) چین پادشاهلغنی اعلان ایتدی و (١٨٦٠ م و ١٢٧٧ ه) تاریخنده انكلتره و فرانسه دولتلری بر وسیله ایله چین دولتنه اعلان حرب ایلدیكندن كوندردكلری دوننما و عسكر پكینه قدر صوقیلوب خاقانی قاچیردیلر و سراینی احراق و یغما ایتدكدنصكره بر مصالحه یاپوب عودت ایلدیلر.
پكین شهرنده نهر اصفرك ایكی+یه بولدیكی محلاتك برنده چینلولر و دیكرنده تاتارلر ساكن اولورلر و جمله+سنك نفوسنی بر ملیون یدییوز بیك تخمین ایدرلر لكن شهرك اطرافنده+كی اون ایكی محله برلشدیكی حالده استانبولك اوچ مثلی جسامتنه وارر پكینده موجود اولان یكرمی اوتوز بیك اسلامك متعدد جامع و مكتبلری واردر. خاقان بولنان ذات سنه+ده بر دفعه اهالینك ترتیب ایتدیكی محله كیدوب حاللرینی سؤال و استدعالرینی قبول ایتدكدنصكره زراعته تشویق یولنده بر طاقم سوزلر سویلر و قالقوب بر پارچه یر سورر.