بكر صوباشی — بغداد شهر+امینی یاخود ضابطه مدیریدر. بو آدم خیلی زمان خدمت مذكوره+ده بولنە+رق پك چوق اطراف و نفوذ پیدا ایلدیكندن كیدن والیلر ابقایه مجبور اولورلر و دائما شر و فسادندن چكینورلر ایدی یوسف پاشانك والیلكی اثناده بر خصوصدن طولایی انفعال و بونی اوته+دنبرو آرزوكش اولدیغی تصوراتنه وسیله اتحاذ ایدرك (١٦٢١ م و ١٠٣١ ه) تاریخنده عسكری طاقمنی دخی اله آلوب چیقاردیغی بر كوچك اختلال ارە+سنده والیء مومی+الیهی اعدام ایتدیردی كیفیت درسعادته منعكس اولە+رق تحقیق ماده ضمننده وزیر سلیمان پاشا كوندرلدیسە ده سلیمان پاشا ماده+یی تحقیق شویله طورسون بغدادك ایچنه بیله كیره+مدیكندن دولت دیار بكر والیسی احمد پاشایی دخی ارساله مجبور اولدی و بغدادك هر طرفندن تضیقی مناسبتیله بكر صو باشی براز صیقلدیغندن بغدادی ایران دولتنه وعد ایتمكله ایران شاهی (عباس خان) دخی ممنوناً براز عسكر كوندردیسە ده احمد پاشا عجملرك هجومنی كوروب ایشك فنالشە+جغنی و بغداد الدن كیده+جكنی اكلادیغی كبی بغداد والیلكنی بكر صوباشی+یه توجیه ایتدی بكر صوباشی دخی بونك اوزرینه وعد مذكوردن نكول و ایران عسكرینی استثقال ایلمکله عباس خان طولمشه بندیكنی اكلایوب فوق+الغایه جلاللندی و درحال عساكر كلیه ارسالیله بغدادی آلوب بكر صوباشی و توابعنی و بولدیغی سنیلرك كافه+سنی قلیچدن کچوردی.