بقراط — یاخود ایپوقرات — حكمای یونانیه+دندر(٥١٣٤ خ) تاریخنده یعنی میلادك درتیوز التمش سنه مقدمنده استانكویده دنیایه كلوب علی روایه یوز یاشنده یكیشهرده وفات ایتمشدر. بو ذات مملكتنده و ماكیدونیاده و آتنە+ده خیلی زمان سیاحت و تحصیل علم طبه غیرت ایدرك بالاخره محصول ثمرۀ درایتی اولمق اوزره آتنه+ده ظهور ایدن وبا علتنی مملكتك اورته+سنده آتش احراقیله دفع ایلدیكندن شهرت بولدی و مقدما طبابت غایت ساده و بر طاقم حقه+باز پاپاسلر و كاهنلر النده اولدیغی حالده تدقیقاتی و احداث ایلدیكی قانونی سایه+سنده فن مخصوص حكمنه كیردیكندن معلم اول عنواننی آلدی. مومی+الیه مریضك مزاج و طبیعتنه كوره تداوینك و پرهیزك لزومنی و فن جراحینك طبابته انضمامنی قانوننه درج ایتمش و علم طبی میدانه كتورمسیله نوع بنی ادمه پك بیوك خدمت ایلمشدر.
طبیعت بشریه+ده اخلاط اربعه+نك یعنی دم و بلنم و صفرا و سودانك تأثیرات
قویه+سنه و هوا و صو و ارضك احكام طبیعیه+سنه و احوال آتیەیه دائر افاداتی بعض مؤلفاتده مسطور ایسه ده بو تألیفاتك بقراطك اولدیغی شبهه+لیدر مع+مافیه اكثریسی (١٥٥٤ م و ٩٦٢ ه) تاریخنده وندیكده طبع اولنمشدر