ابو بكر بن العربی — مشاهیر علمای عربدندر و مولدی اندلس
اسمی محمد بن عبدالله+در. بو ذات ابتدا اندلسده و صكره مصر و اسكندریه
و شام و مکۀ مكرمه+ده تحصیل علوم ایدوب اشبیلیه ده قاضی اولدی
و ادیب و ثاقب الذهن و صاحب العهد بر ذات اولدیغیچون هركسك حسن
توجهنی قزاندی و اشبیلیه اوزرینه كندو مالندن بر سور بنا ایتدی
و مؤخراًً قاضیلكدن اعراض و دقایق علومه حصر افكار ایدرك مرتبه+سنی
درجۀ عال العاله چیقاردی وپك چوق كتاب تألیف ایلدی.
)كتاب القبس فی شرح موطأ مالك بن انس) و (ترتیب المسالك نی شرح
موطأ مالك) و (انوار الفجر) و (احكام القرأن) و (عارضة الاحوزی)
و (مراقی الزلف) و (كتاب الحلافیات) و (نواهی الدواهی) و
)سراج المریدین) و (قانون التأویل) و یكرمی جلدی جامع (كتاب
الانصاف فی مسائل اخلاف) بونكدر و بونلردن بشقه یكرمی اوتوز جلد
كتابی داها واردر و یتمش یاشنده اولدیغی حالده فاسده وفاتی (١١٤٨ م
و ٥٤٣ ه) تاریخنده+در.