لغات تاریخیه و جغرافیه

Lugat-ı Tarihiyye ve Coğrafiyye

بعلبك

Baᶜlbek

) بعلبك — شام شریفك شمال غربیسنده و التمش بش كیلومترو بعدنده بر قضا مركزیدر بو شهری حضرت (سلیمان) علیه+السلام (زوبا) نام محلدن عهده+سنه انتقال ایدن اراضی اوزرینه یاپریردیغی مرویدر. بوكا (پالوس) یاخود (هیلیو پولیس) دخی دیرلر وقتیله پك معمور ایدی شمدی اولکی حالنه نسبةً خراب حكمنده و اهالیسی یدی سكز یوز راده+سنده+در. بعلبك (٦٣٥ م و ١٤ ه) تاریخنده یعنی حضرت (عمر) رضی+الله+عنه زماننده سوریه سرعسكری (ابو عبیدة ابن جراح) حضرتلری معرفتیله فتح اولندی و (١٧٥٩ م و ١١٧٣ ه) تاریخنده وقوعبولان حركت ارضده خراب اولوب اندن صكره اعمارینه همت اولنمدی. بعلبك سریانیجه (مدنیته التمس) دیمكدر (بعلبك) ایله (تدمر) شپرلرینك حضرت سلیمان علیه+السلام معرفتیله یاپلدیغی و ایكیسنه بردن (بالوثی) تسمیه ایدلدیكی توراتده محرردر الیاس علیه+السلام ملوك اسرائیلیه+دن (اخاب) زماننده بورایه (بعلبكه) مبعوث ایدی. الیاس كلمه+سنه نظر بیوریله .