بعل —
فنیكه+لیلر و آثوریلر و قرتاجیلرك اك بیوك اعتقاد ازتدكلری صنمك سریانیجه اسمیدر فنیكه+لیلر بعضاً (ملك الارض) دخی دیرلر و شمس یاخود زخلك صورت مجسمه+سی اولمق اوزره پرستش ایدرلر و ایام مخصوصه+سنده حضورنده انسان قربان ایلرلر و خدمتنده بولنان پاپاسلر تعظیم ایچون یاننه كیدركن یالین ایاق و باشی قباق اولورلر و اطرافدن كلان زواردن برچوق هدیه+لر قاپوب كچینورلر ایدی. فنیكه+لیلرك اعتفادلرنجه (بعل سین) و (بعل حریث) یعنی آسمان و زمین
آلهلری دخی بشقه+در. عقرون شهرینك (بعل دناب) اسمنده بر آلهی اولدیغی و نصفندن یوقاریسی انسان اشاغیسی بالق اولمق اوزره تصویر اولندیغی دخی مرویدر. سامراده و سائر ممالك شرقیه+ده بولنان بعض یهودیلرك دخی وقت وقت دینلرندن صاپوب بعله پرستش ایتدكلری مسبوقدر.
بعل كلمه+سی وقتیله جناب حق ایله معاهده+یه اطلاق اولنوب صكره آثور حكمرانلرندن برچوق کمسه+لره اسم و عنوان اولمش و بعض كره عبرانیجه (یاهوه) یعنی یاهو ایله اشارت اولنان خدانك اسمی اولمق اوزره طاننمش و بعض كره دخی افندی معناسنه استعمال اولنمشدر.