بعد — علم هندسه+ده ایكی نقطه بیننه وصل اولنان بر خطك طولنه دینور و بر نقطه ایله بر خط ویا بر سطح بیننده اولان بعد ایسه او نقطه+دن مذكور خط ویا سطح اوزرینه نازل اولان عمودك طولنه دنیلور و بر نقطه ایله بر دائره محیطی بیننده+کی بعد دخی نقطۀ مزبوره ایله مركز دائره بیننه واصل اولان خطك اول نقطه ایله محیط دائره اراسنده+كی قسمندن عبارت اولور و بر مستویده اولمیان ایكی خط بیننده واقع بعده اول ایكی خطه مشتركاً عمود اولان خطك طولندن عبارت اولور.