پطریق — خرستیانلرك رئیس روحانیسیدر. بو نام مقدما قضا و نواحی رؤسای روحانیه+سنه و حكم روحانیسی مؤثر اولان بعض پسقپوسلره ویریلور ایدی مؤخراً ملل خرستیانیه+نك اك بیوك رئیس روحانیلرنه تخصیص اولندی. امور مذهبیه+جه روم ملتی استانبول و انطاكیه و اسكندریه و قدس عنوانیله درت پطریقلكه منقسم اولوب هر پطریقك زیر ادارۀ روحانیه+سنده اولان محللرك باشلوجه+لرنده مترپولیدلر و بونلرك بعضیلرینك تحت نظارتنده دخی مأمور اولدیغی محلك وسعت و اهمیتنه كوره برقاچ (اپسقپوس) واردر. و متره+پولیدلر پطریقلره و اپسقپوسلر ادارۀ روحانیه+جه متره+پولیدلره تابعدر. ارمنی ملتنك (اچمیازین)ده بیوك پطریقلری اولدیغی كبی بوراده دخی استانبول و سیس و اختمار و قدس عنوانلریله درت پطریقلری وار ایسه ده بعض مرخصلری استانبول پطریقنه تابع دكللردر ارمنی و روم قتولكلرینك دخی بشقه بشقه پطریقلری اولوب سریانی و كلدانی و ملكیت بطریق و اپسقپوسلری بونلره مربوطدر بلغارلر اوته+دنبرو اورتودوقس پطریقخانه+سی طانیمقده ایكن (١٨٧١ م و ١٢٨٨ ه) تلریخنده باب عالینك مساعده+سیله آیریلوب كندولرینه بشقه+جه (اكسارخوس) پطریق نصب ایتمشلردر. روسیه+ده بولنان ایكی پطریقك موسقوە+ده اوتوران بریسی ایمپراطورلرك صفت روحانیسندن صكره بر اقتدار صوری+یه مالك ایسه ده دیكری (كیف)ده اوتورمقده+در. اوروپالیلر حضرت ادمدن زمان موسی علیه+السلامه کلنجه+یه قدر كچن مدتده ریاست ایدن پیغمبران عظام و حكام و دوات سائرە+یه (الله قومی) و (پطریق) تعیر ایدرلر.