لغات تاریخیه و جغرافیه

Lugat-ı Tarihiyye ve Coğrafiyye

بطال غازی

Battal Gazi

بطال غازی — امرای عربدن بر قهرمان ذیشاندر و مسقط رأسی (انطاكیه) و اسمی (عبدالله) کنیه+سی (ابو یحیی)در. بو ذات ملوك امویه+دن (هشام بن عبدالملك) زماننده یعنی هجرت نبویه+نك ایكنجی عصری اوائلنده دیار رومه آقینلر ایدوب اناطولی ایچنی صوصه طوردیرمش و مع+مافیه اجرای عدالت و حقانیتله عموم اهالیء مطیعه+یی كندوسندن خشنود ایتمشیدی. آقنجیلقده+كی سرعت و حربده اولان مهارتی اهالیء رومی اولدرجه پیلدیردیكه كندوسنك التمش یتمش ساعتلك بر محلده اولدیغنی بیلدكلری حالده اوتوردقلری اوطه+نك قپوسندن شمدی كیرە+جك كبی احتیاط ایدرلر و ادبلریله اوتوررلر و قادینلری آغلیان چوجقلرینی (بطال) كلیور دیه صوصدیررلر ایدی. بونك وقوعاتی دیه+رك یازلمش اولان (بطال غازی) كتایی افسانه قبیلندندر مع+مافیه مقدما یكیچری اوجاقلرنده و سائر محللرده تشجیع ایچون اوقونور و فوق+الغایه تأثیری كوریلور ایدی. بطال غازی قسطنطین جوارنده ایمپراطور (الیون)ك عسكریله محاربه ایدركن (٧٣٨ م و ١٢١ ه) تاریخنده شهید اولمشدر. بر روایتده الیونك قزینی تزوج ایتمشیدی.