بصره —
بغدادك درتیوز یكرمی كیلومترو جنوب شرقیسنده و بصره كورفزی نامیله مشهور اولان كورفزك سكسان سكز كیلومترو شمالنده و (دجله) و (فرات) نهرلرینك اجتماعندن حاصل اولان شط العربك کنارنده یتمش سكسان بیك نفوسی جامع بر شهر جسیمدر بوراسی (٦٣٨ م و ١٧ ه)
تاریخنده حضرت (عمر) رضی+الله+عنهك امریله و عراق سرعسكری (عتبه بن غزوان) رضی+الله+عنه حضرتلری معرفتیله انشا اولندی و برقاچ سنه ظرفنده كلوب توطن ایدن اشرافك عددی یتمش بیكه بالغ اولدی. بصره كورفزی جوارنده اولان (كویت) نام دیكرله (قراین) شیخلكی و امثالی دولت علیه+یه و بندر بوشیر اسكله+سی ایران دولتنه و كورفزك منتها و شرق شمالیسنده اولان اراضی مسكت امامتنه تابعدر و دولت علیه+نك بر كوزل ترسانه+سی واردر. بصره ولایتی (١٥٣٨ م و ٩٤٥ ه) تاریخنه قدر مستقل اداره اولنورایکن تاریخ مزبورده حاکمی بولنان (راشد بن مقامس) قلعه+لرك انختارلرینی كندو حسن رضاسیله سلطان سلیمان حضرتلرینه كوندروب عرض انقیاد ایلدی و (١٦٩٢ م و ١١٠٤ ه) تاریخنده عربان شیخلرندن مانع) نامنده بر مضر ضبط و اوزرینه كیدن بغداد والیسنی حرباً طرد ایدوب دولت علیه+یه سنوی ویریله+كلان یوز بیك غروشدن یكرمی بشبیك غروشنك عفوینی استرحام و انقیاد ایلدیكندن بر مدت مساعده اولندی و بش سنه صكره ایرانیلر دولت علیه+یی مشغول بوله+رق دوستانه استیلا ایلدیلر ایسه ده اوچ سنه+دن زیاده اوتوره+مدیلر. بصره شهرینك موقعی لطیف و اراضیسی محصولدار ایسه ده نهرك طغیانندن قالان بركنتیلر مناسبتیله ایام صیفده هواسی غایت وخیمدر خرماسی و كل یاغی مشهور و مبذولدر.