ابو بكر شبلی — كبار اولیاء اللهدندر و مسقط رأسی بغداد
اسمی جعفر بن یونس+در. بو ذات عالیقدرك پدری خلیفه+نك حاجبی
یعنی چاوش باشیسی اولدیغی حالده كندوسی شیخ الشیوخ حضرت
جنید)ه انتساب ایدوب انك حسن نظر و توجهیله واصل سر منزل
مقصود اولدی و حضرت جنید بونك حقنده (هر قومك بر تاجی واردر
بزم قوممزك تاجی دخی شبلیدر) بیوردی. حضرت شبلی بر كون پازاردن کچركن بر آدمك اون خیار بر اقچه+یه دیو باغیره+رق خیار صاتدیغنی ایشتدكده خیارك اونی بر اقچه+یه اولنجه شرارك حال و قیمتی نیجه اولور دیه+رك ارقه+سنه دونوب مریدلرینه الیكزده+كی سرمایه وقته رعایت ایدیكز زیرا یارین الیكز ده قاله+جق اودر و ابدی انكله صحبت ایتسه+كز كركدر دیدی. حضرت شبلینك اداب شریعت مطهره+یه اعتناسی فوق الغایه ایدی و دائما (مضی زمن والناس یستشفعون لی فهل لی الی لیلی الغداة دلیل)
بیتنی اوقور ایدی.
سكسان یدی یاشنده اولدیغی حالده (٩٤٥ م و ٣٣٤ ه) تاریخنده بغدادده
وفات ایتمشدر و اصلی مصرلی اولدیغی دخی مرویدر.