پشته — اوستریا دولتنك مجارستانده و طونه نهوینك صول یقه+سنده و بودینك قارشوسنده تجارتكاه بر شهر شهیردر انتظام وتجارت و صنایع جهتیله مجارستانك برنجی مملكتیدر بودین والیسنك مقر اداره+سی (بودین) شهری ایسه ده مجارستان ملت مجلسی اشبو پشته+دە+در. نفوسی یوز اوتوز اوچ بیك تخمین اولنمقده و سنه+ده درت دفعه بیوك پنایرلر قورلمقدە+در. (١٥٢٦ م و ٩٣٣ ه)
تاریخنده سلطان (سلیمان) حضرتلری اوچیوز طوپ و ایكیوز اللی بیك عسكر ایله كیدوب وارادین و امثالی جسیم و متین قلعه+لردن اون بر قلعه فتح ایتدیكی صرده اشبو (پشته)یی دخی الدی و (مهاج) اووە+سنده مجارلرك یوز اللی بیك موجودلی اردوسنی بوزدی و مجار و بوهمیا قرالی ایكنجی (لویی) فرار ایدركن قتل اولندی. تاریخ مذكوردن صكره پشته+ده پك چوق عثمانلی توطن ایدوب خیلی زمان اهالیء قدیمه ایله الفت و معاشرت ایتمش و بعض اثار خیریه بنا ایلمشلردر. مجارلر تخفیف ایدرك (پشت) دیرلر.