) بشار — مشاهیر شعرای عربدن بر شاعر آتشزندر. خلفای عباسیه+دن مهدینك مداحی ایدی فقط اصحاب فضل و عرفان هر آن و زمان كرفتار طعن نادان اوله كلمك قاعدۀ قدیمه غیر مشروعه+سی بو بیچاره حقنده دخی جاری اوله+رق بر طاقم غرضكارلر مقدما انشاد ایلدیكی (الارض مظلمة و النار مشترقة . و النار معبودة مذكانت النار) بیتنی حضور خلیفه+ده قرائت و بوندن مرادی سجدۀ ادمدن امتناعی جهتیله شیطانی تحسیندر دیو اتهام ایلدیلر مهدی دخی هر نصلسه سوق حدتله بلا تحقیق یتمش دكنك اوردیروب طقسان یاشنی كچمش اولان بیچاره+نك
تلفنه سبب اولدی متعاقباً كتب و اوراقی تفتیش و معاینه اولندقده زندقه و الحادینه دائر بر شئ كوریله+میوب یالكز بر ورقه+ده (ین آل سلیمان بن علی بن عبدالله بن عباسی) هجو ایتمك استه+مش اولدیغم حالده انلرك جناب رسول اكرمه اولان قرابتلرینی تخطرله فراغت ایلدم دیو محرر بولندی. بشار مزاحی غایت سور ایدی حتی سبب موتی اولان مذكور طیاق صرە+سنده بریسی فزع ایده+جكیكه حمد ایله+سك اولمزمی دیمسیله طعاممی یورم كه حمد ایدە+یم دیمشدر.