بسارابیا — روسیه دولتنك پادن یعنی پروت نهریله و نیستر نهری اره+سنده بر سنجاغیدر مركز اداره+سی طقسان بشبیك نفوسی جامع اولان (كیشنو) شهری اولوب (بندر) و (آق كرمان) و (اوزی) و (كیلی) و (اسماعیل) شهرلری ممالك مشهوره+سندندر عموماً اهالیسی بر ملیون بشیوز اللی ایكی بیك نفوسدر. بوراسی اوچیوز یكرمی سكز سنه دولت علیه اداره+سنده بولندیغی حالده (١٨١٢ م و ١٢٢٨ ه)
تاریخنده بالایجاب روسیه+یه ترك اولندی و مؤخراً یعنی (١٨٥٦ م و ١٢٧٣ ه) تاریخنده دولت علیه ایله روسیه دولتی بیننده عقد اولنان پارس معاهدە+سی موجبنجه بسارابیا داخلنده اولان و كیلی و اسماعیل شهرلرینی حاوی بولنان بوجاق اراضیسی یعنی قسم جنوبیسی دولت علیه نامنه اوله+رق مملكتین ادارە+سنه انتقال ایلدی و برلین عهد نامه+سی موجنجه بو كره ینه روسیه+یه ویرلدی.