ابو بكر سوسی — كبار مشایخ صوفیه+دندر و اسمی محمد بن ابراهیمدر.
شام شریفده رمله فصبه+سنده ارشاد عبادله مشغول ایكن اره صره بر مغنی
اولسه ده بزه بعض ابیات اوقوسه دیرایدی بر كیجه احباسندن بری لطیفه
اوله+رق شو جوارده بر مغنی وار لكن نوجوان و مطربدر اكر آرزو بیوریلور
ایسه جلب ایده+لم دیدكده شیخ كتورك دیمسیله مطرب مرقومی سرخوش
اولدیغی حالده كتوردیلر و اوغلان شیخك حضورنده. القوم اخوان
صدق نسب . منالمودةلم یعدل به سبب. تراضعوا درة الصهباء بینهم.
و اوجبوالر ضیع الكاءس مایحب بیتلرینی اوقومسیله مجلسده اولنلر خوش
حال اولدیلرسه ده صكره اوغلانك باشی دونوب شیخك سجاده+سنه غثیان
ایتمسی اوزرینه فنا حالده صیقلدیلر و اوغلانی شیخك امریله سجاده+یه
صاروب بر كناره قودیلر اوغلان صباحلین آییلوب اخشامكی حال و رزالتنه
و ضرب و تكدیره بدل وقوعبولان عفو و اغماضه واقف اولدیغی كبی
همان شیخك ایاقلرینه قپانوب توبه و انابت ایلدی و از وقت ایچنده
زمرۀ صالحینه داخل و مقصود حقیقی+یه واصل اولدی. شیخ مشار
الیهك وفاتی (٩٩٦ م و ٣٨٦ ٥)ا تاریخنده+در.