پریه+ست لی — فنون طبیعیه و طبیه علماسندن بر مشهور ذاتدر. (١٧٣٣ م و ١١٤٦ ه) تاریخنده پریستول جوارنده (فیلدهید)ده دنیایه كلوب برچوق تألیفات و كشفیاتی سایه+سنده فوق+الغایه شهرت بولدیسه ده فرانسه اختلالنی تأسیسده مدخلی تبین ایلدیكندن و قاعدۀ فلاسفه+یه تطبیقاً بر مذهب اختراعنه قالقشدیغندن انكلتره دولتی نفینه قرار ویرمك أوزره ایكن آمریقایه صاووشوب اوراده (١٨٠٤ م و ١٢١٩ ه) تاریخنده قضارا مسموماً وفات ایلدی. الكتریقه و نظره دائر كشفیاتنی و هوانك انواع مختلفه+سنی مبین اولان كتابلری غایت معتبردر. جوهر حیوانیه ایله جوهر نباتیه+نك مناسبت و تعلقنی و تنفس و احتراق و تكلس معرفتلرینی میدان تدقیقه چیقاران و مولداخموضه و ) اوقسیدده+مونیوم) یعنی نشادر روحی و (پروتوقسید آزوت) و (بیوقسید آزوت) غازلرینی بولان بودر. مؤخراً (پیوقسید آزوت)ك اخعمالی ترك اولنمشدر.