بریده —
اصحاب كرامك مشاهیرندندر كنیه+سی ابو عبداللهدر مشار+الیه فخر عالم افندمز هجرت بیوردقلری اثناده كندو خاندانی خلقندن یتمش نفر سواری ایله نزد سعادت حضرت پیغمبری+یه كله+رك دائره اسلامه داخل اولدی و حدیبیه غزاسنده و بیعت رضوانده بولندی و طرف اشرف حضرت رسالتپناهیدن (مجاعه بن مراره) نام امیره نامۀ همایون تحریر و تسییر ایلدی. تركمانستانده واقع مرو شهرنده وفات اتمش و حصین دنیلان موقعه دفن اولنمشدر. فخر عالم صلی الله علیه و سلم افندمزك (ایما رجل مات من اصحابی ببلدة فهو قائدهم و نورهم یوم القیمة) بیوردقلرینه نظراً مشار+الیهك (مرو) ولایتی قائدی و نوری اولدیغنده شبهه یوقدر