بریتانیای جدید —
امریقای شمالده انكلیز امریقاسی دنیلان و قولومبیا و قنادا و غال جدید اراضیسنی و لایرادور شبه جزیرۀ جسیمه+سنی و یكی برونسویك و ارض جدید جزیره+لرینی و دها سائر جزائر كبیره و صغیره+یی حاوی و شامل اولان قصعۀ وسیعه+در مركز اداره+سی قنادا قسمنده واقع (كیق) شهری اولوب اشبو شهرده خدیو پایه+سنده بر والیء عمومی اوتورر. قصعۀ مزبوره اهالیسنك بر قسمی (قولونی) دنیلن اوروپا مهاجرلری و بر قسمی دخی پكده انكلیز اداره+سنی طانمیان یرلی (هندیان) و (اسكمو) و (ایراقوس) و (حورون) و (سییو) قبائلیدر.