پره+وزه —
روم ایلنده ناردە+نك جنوب غر بیسنده و اللی یدی
كیلو مترو بعدنده و نارده كورفزی مدخلنده واقع شبه جزیره+نك نهایتنده بر قصبه+در. بوراسنی قیصر (اوكوست) (نیقوپولیس) و (اقسیوم) خرابه+لری اوزرینه انشا ایتدی و (١٥٣٨ م و ٩٤٥ ه) تاریخنده دولت عثمانیه+یه و (١٦٨٣ م و ١٠٩٦ ه) تاریخنده وندیكلولره كچوب (١٧١٨ م و ١١٣١ ه) تاریخنده ینه دولت علیه+یه انتقال ایلدی و (١٧٩٧ م و ١٢١٢ ه) تاریخنده فرانسه ایمپراطوری بوناپارت (ناپلیون) جزایر یونانیه ایله برابر ضبط ایتدیسه+ده ایكی سنه صكره متفقاً آق دكزده طولاشان دولت علیه و روسیه دوننمسی ینه حرباً قورتاردی. پره+وزە+ده لیمون و پورتقال و زیتون و بالق و شراب و پموق بزی تجارتی چوقدر و لیمان و استحكاماتی و قشله+سی مكملدر و اهالیسی درتبیك راده+سنده+در