ابو بكر الرواق — كبار مشایخ صوفیه+دندر و مسقط رأسی
)ترمد) اسمی محمد بن عمردر. مشارالیهك علوم ظاهره و باطنه+ده كمالی
و كتب سمویه+نك كافه+سنه وقوفی و شعر و انشاده مهارتی تصدیق كردۀ
خواص و عوام ایدی. ابو القاسم الحكیم اكر جناب مصطفادن صكره
صلی الله علیه وسلم پیغبر كلمك جائز اولیدی علم و حكمتی و خلایقه شغقتی و عدل
و مرحمتی مناسبتیله (ابوبكر الرواق) كلوردی بیورمشدر. بر دفعه
احوال جمعیت انسانیه+یی تعریف و اوچ صنفه تقسیم ایتدكدنصكره اكر
امرا صنفنه فساد كیررسه رعیه+نك كسبی فاسد اولور و اكر علما صنفنه فساد
كیررسه ورزش شریعت و اطاعت فاسد اولور و اكر فقرا و درویشان
صنفنه فساد كیررسه طبایع ناس فاسد اولور و امرانك فسادی ظلمله و علمانك
فسادی طمع ایله و فقرا و درویشانك فسادی ریا ایله وقوعبولور دیدی.
بو ذات مسند صاحبی ابو عیسای ترمذینك طایی زاده+سیدر و بر مكمل دیوانی
واردر و وفاتی (٨٥٤ م و ٢٤٠ ه) تاریخندە+در.