برهمن —
هندستانده بولنان مجوسیلرك رؤسای روحانیه+سنه مخصوص بر عنواندر. بونلرك معتقد اولدقلری (برهمیه) مذهبنده نورانی و ظلمانی ایكی اصل اثباتیله برابر صائبیلرك بر صننی كبی شمسی تقدیساً اتش پرستلك دخی موجود اولدیغندن بعض مجوسیلر و متعصب برهمنلر كندولرینی آتشه آتوب یقارلر و معبود اعتقاد ایتدكلری شیلرك و ارواحك تناسح و حلولنه قائل اولورلر و دها متعصبلری سوقاغه چیقدقلری وقت بوجك و قارنجه كبی كوچك حیواناتی اولدورمامك ایچون یوللرینی اوكلرنده بر سپوركه+خی واسطه+سیله سپورته+رك كیدرلر ایدی لكن شمدی او قدر تعصب ایدن و آتشده یانمق ثوابنه آتیلان یوقدر.