بره+زیلیا —
امریقای جنوبینك جهت غربیسنده اون ملیون یوز بیك نفوسی جامع بر قطعۀ جسیمه+در. بوراسی (١٥٠٠ م و ٩٠٦ ه)
تاریخنده (الوارز) نام قپودان معرفتیله كشف اولندی و اراضیسنده كلی چوید حاصل اولمسی چوید معناسنه اوله+رق (بره+زیل) تسمیه+سنه سبب اولدی اهالیسی بر مدت فلمنك و اسپانیا و مؤخراً پورتكیز حمایه+سنده بولنوب (١٨٢١ م و ١٢٣٧ ه) تاریخنده استقلال قزاندی الیوم ایمپراطورلق و مشروطیت وجهله اداره اولنمقدە+در پای+تختی ایكییوز بیك نفوسی جامع اولان و مكمل كتبخانه+سی و منتظم ابنیه+سی بولنان (رییو جنیرو) شهریدر و یكرمی بر ایالتی واردر و مكتبلری اوچ صنف اوزرینه مرتبدر مشهور (امازون) نهری بو قطعه+یی دخی اسقا ایدرك غربدن شرقه طوغری كچر اراضیسنده پك چوق الماس و آلتون و كموش معدنلری بولنور ایچرولرینك سیجاغنه تحمل مشكلدر اهالی اشبو الماسلری تحت اسارتلرنده بولنان زنجیلر معرفتیله آراتیرلر و زنجیلره بولدقلری الماسك قیمتنه كوره جزء بر اجرت ویررلر و اون یدی قیراط الماس بوله+بیلان زنجی+یی آزاد ایدرلر. حكومت كلمه+سنه دخی نظر بیوریله