)برهان+الدین اسمی احمد شهرتی قاضی برهان+الدین) —
مومی الیه
قبائل جنكیزیه متغلبه+لرندن عالم و ادیب بر ذات اولوب قیصریه و سیواس و توقادی اله كچورمكله اعلان استقلال ایلدی و سیواس مشتاسنده خیمه زن اقامت اولان قره عثمان نام تركمن بکی بهر سنه برهان+الدین طرفنه متعهد اولدیغی مال مقطوعی ویرمكدن امتناع ایلدیکی جهتله قاضی مومی الیه (١٣٩١ م و ٧٩٤ ه) تاریخنده مرقومك اوزرینه كیدوب متهورانه حركتنه بناء مقتول اولدی و لایق تاج و تخت اولاد و احفادی اولمدیغندن ملكی یلدیرم بایزید خان طرفندن بلا محاربه ضبط و تصرف اولندی. علم اصولدن (تلویح) اوزرینه یازلمش اولان (ترجیع) نام كتابك مؤلقی ارزنجان قاضیسی (برهان+الدین) اولدیغنی و بو ذات ارزنجان امیرینی قتل و حكومتنی غصب ایدوب خیلی سنه+لر بالاستقلال اداره ایتدیكنی و (١٣٩٧ م و ٨٠٠ ه) تاریخنده (قره ایلوك) محاربه+سنده قتل اولندیغی بعض تواریخ یازییور و بونلرك تاریخ وفاتلری بربرینه یقین و اسم و شهرتلری یكدیرینه موافق اولدیغنه مبنی ایكیسی بر ذات ظن اولنیور