برهان+الدین — علی بن ابی بكر — بخارا علماسندن و اصحاب ترجیحدن بر بیوك ذاتدر مسقط رأسی (فرغانه) یاخود (مرغینان) و شهرتی شیخ الاسلامدر (١٢٢٠ م و ٦١٧ ه)
تاریخنده جنكیز خان بخارا اوزرینه كلدیکی زمان اهالی قتل عامدن قورقوب رجای عفو ایچون بونی جنكیزك اردوسنه كوندرمشلر ایدی بو دخی كیدوب عالمانه كلمات و نصایح ایله جنكیزی قاندیردی و بعض شرائطله عفو ایتدیردی ایسه ده مؤخراً بعض سبكمغزان راحت طورمیوب جنكیزك عسكرینی مدافعه+یه قالقشدقلرندن جنكیز ایلك هجومده ایچرو كیروب بر ذی روح قالنجه+یه قدر اهالینك كافه+سنی اعدام ایلدی. دیكر بر روایتته كوره برهان+الدین جنكیزه سمرقند اهالیسی طرفندن کوندرلمش و قتل عام صره+سنده كندوسی دخی رتبۀ شهادته نائل اولمشدر. علامۀ محقق مشار+الیهك پك چوق تألیفاتی اولدیغی کبی (كتاب الهدایة) و (کفایة النتهی) و (نشر المذهب) و (كتاب التجنیس) و (مزید) و (مناسك الخج) و (كتاب الفرائض) دخی اثار مرغوبه+سندندر و تصنیفات صاحبی پك چوق فاضل یتشدیرمشدر. بعض تاریخلر تاریخ وفاتنی (١١٩٧ م و ٥٩٣ ه)
یازارلر