ابو بكر رازی الحكیم — طب ایله حكمتی جمع ایتمش بر وجود
نادرالامثالدر بو ذات كنجلكنده مسقط رأسی اولان ریده ساز چالار
تغنی ایدر ایدی صكره صقال ایله بیق اراسندن چیقان صداصفا ویرمز دیه+رك انی براغوب تحصیل علومه هوس ایتدی و بر آره+لق ری مارستاننه و مؤخراًً
مكتفی زماننده بغداد خسته خانه+سنه مدیر اولدی و اكمال علوم و معارف ایچون
شام و مصر واندلسه كتدی و خیلی زمان صكره بغداده عودت و كسب
شهرت ایدوب چوق كمسه+لره درس ویردی وخیلی كتاب تألیف ایتدی.
اوتوز جلدی جامع اولان (كتاب الحاوی) و اون جلدی جامع اولان
)كتاب المنصوری) و (كتاب الجامع) و (كتاب الاعصاب) و (مختصر
منطق ارسطو) و (كتاب السداسیات) و (كتاب سیرت الخلفاء) و علم طبدن
یكرمی التی باب اوزرینه (كتاب الفاخر) بونكدر و چیچك و قزامق
علتلریچون یازدیغی رساله اوروپا لساننه ترجمه اولنمشدر.
خسته+یه اغدیه ایله علاج ممكن اولدیغی حالده ادویه ایله علاج ایتمك
و ادویۀ مفرده ایله علاج ممكن اولدیغی حالده ادویۀ مركبه ایله علاج ایتمك
مناسب دكلدر دیر ایدی.
ابو بكر رازی تألیف ایتدیكی اثبات صناعت الكیمیا كتابینی صالح بن
منصور السامانی یه تقدیم ایلدیكی زمان صالح كتاب مذكورده مندرج
صنایعك فعلاً اثباتنی امر و ابو بكر دخی اورته+یه برچوق مشكلات قویوب
نهایت مقتدر اوله+میه+جغنی بیان ایلدیكندن ضرب و دفع ایلدی و بو ضربدن
بیچاره+نك كوزلرینه صو ایندی
مشاهیر ادبادن بر ذات ابو بكر رازی+یه خلق سنك اوچ فنده مهارتكی
ادعا ایدیور حالبوكه بن او فنلرده سنی جاهل بولییورم برنجیسی
اكر سن علم كیمیاده ماهر اولیدك زوجه+ك اون التون ایچون حبس اولنمزدی
ایكنجیسی اكر سن علم نجومه واقف اولیدك هر زمان طالعك معكوس
اولمزدی اوچنجیسی اكر سن علم طبه مالك اولیدك كوزلریكه علاج ایدرایدك
دیدی. وفاتی (٩٢٣ م و ٣١١ ٥) تاریخنده+در.