بروم —
بر طاقم حكمی و كیمیوی خاصه+لره مالك بر جسم بسیطدر جسم مزبوری (١٨٢٧ م و ١٢٤٣ ه) تاریخنده فرانسه+لی كیمیاكر (بالرا) نام ذات طوز كوللرینك انا صولرنده بولندیغنی كشف و خاصه+لرینی اعلان ایتدی مؤخراً دكز صولرینك تركیبنده دخی (بروم ماغنزیوم) حالنده و بعض اراضیده (بروم فضه) صورتنده دخی بولندیغی كشف اولندی. اشبو (بروم) قویی قرمزی رنكلی بر مایع اولوب لذتی بوروشدیریجیدر و محرق و غایت زهرلیدر و رایحه+سی كریهدر ثقلت اضافیه+سی ٢,٩٧ در و —
٢٢ درجه+ده بللوری و قورشونی رنكده انجماد و ٦٣+ درجه+ده غلیان ایدر. صوده پك از و اسپرتوده اولدقچه و اترده ایسه زیاده+سیله منحلدر و عناصر سائره ایله مركباته متحولدر مواد ملونه+نك الواننی ازاله ایده+بیلور بولاشیغی الده صاری رنكلی بر لكه احداث ایدر بونكله برابر تنفسی مضردر بخاری (فوسفور) و (ارسنیق) و (آنتیمون) كبی جسملری اشعال ایدر