بروسه —
اناطولیده خداوندكار ولایتتك مركزی اولان شهر شهیردر نفوسی اللی ایكی بیك راده+سنده اولوب جوامع و مساجد و تكایا و مكاتب و عماراتی و حوالیسنده (چكركه) و (اسكی قابلجه) و (یكی قابلجه) و (بیوك كوكردلی) و (كوچك كوكردلی) و (قینارجه) و (قره مصطفی) ناملریله معروف اولان قابلجه+لری و اثار عتیقه+سی پك مشهوردر. دولت عثمانیه+نك پایتخت قدیمی اولدیغندن سلاطین عظام حضراتنك یاپدیردقلری جوامع و مدارس و تكایا حالا معمور و زینتدار و مراقد منوره+لری زیارتكاه صغار وکباردر درون قصبه+ده هر خانه+دن ماء لذیذ جریان اتمکده و اراضیسنده هر درلو محصول یتشدیرلمكدە+در
بروسه+یی (پتینیا) حكمداری تأسیس و پایتخت اتخاذ ایدوب بر ارالق روما دولتی و ایران حمایه+سنه كچدی و سلطان عثمان غازی زماننده یعنی (١٣٢٥ م و ٧٢٦ ه)
تاریخنده طقوز سنه محاصره+دن صكره تكفوری مصارف سفریه اولارق اوتوز بیك التون ویروب چیقمغله النوب ایكی سنه صكره سلطان اورخان حضرتلری پایتختنی اورایه نقل ایلدی. و فتحنه (آلندی بروسه اولدی دار ایمان) تاریخ دوشورلدی و (١٤٠١ م و ٨٠٤ ه) تاریخنده سلطان بایزید اول حضرتلرینك هزیمت و اسارتندن صكره تیمورلنك برچوق حشرات كوندروب یغما و تخریب ایتدیردی هر نقدر مؤخراً تعمیر اولندیسه ده سلطان بایزید شهزاده+لرندن عیسی چلبینك و مؤخراً قرنداشی سلیمان چلبینك هجوملرنده ینه محترق و (١٨٥٥ م و ٢٧٢ ه) تاریخنده وقوعبولان حركت ارض مناسبتیله پك چوق یرلری منهدم اولدی. بروسه+ده پك چوق بیوك ذوات مدفون اولوب اك مشهوری امیر سلطان حضرتلریدر