آبازه محمد پاشا — وزرای دولت علیه+دن مشهور بر ذاتدر. بو ذات ارضروم والیسی ایكن درسعادتده یكیچریلرك سلطان (عثمان خان) حضرتلرینی شهید ایتدكلرینی خبر الدیغی كبی اوراده بولنان یكیچریلری كاملا قتل و قلعه طوپجیلرینی طرد ایدوب شهید مشارالیهك قاننی دعوا ایچون استانبوله كیده+جكنی اعلان ایلدی و باشنه طوپلادیغی عساكر كثیره ایله انقرە+یه طوغری یوریدی و درسعادتدن اخذ و ازاله+سنه مأموراً اعزام اولنان جغاله زاده محمود پاشا دخی برچوق یكیچری و اناطولی عسكر یله انقرە+ده قارشولیوب درسعادته هجومنی منع ایلدیسه ده اخذ و ازاله+سنه موفق اوله+مدی و ایكی سنه صكره یعنی (١٦٢٢ م و ١٠٣٢ ه) تاریخنده قیصریه+ده قصوری عفو اولنوب بو صورتله جمعیتی طاغیدلدی